عندما أسمع كلمة مدونة
مدونات مصرية
حفل الإصدار يا بشر
الأربـعـاء 21 مــايــو
هيكون فى مقر دار العين
الساعة 6 مساء
يعنى قبل نهائى أوروبا بكتييير
وبالمره ننزل نتفرج سوا عالماتش ف التكعيبة
أنا عن نفسى هشجع المانيونايتد
أحمد فؤاد نجم
خالد الصاوى
غادة عبد العال - عايزه أتجوز
أشرف توفيق - أخف دم
ميمو
أزميرالدا - أهو كلام والسلام
محمد أحمد - الديليكون
طارق إمام
نائل الطوخى
نهى محمود - كراكيب نهى محمود
محمد صلاح العزب
أيمن فاروق - راسبوتين
سلمى صلاح - متغيره شويه
أفندينا
أحمد شقير - حكاوى آخر الليل
ملكة حسين - مملكة واحدة من الشعب
هنوده
شيماء زاهر - دردشه
أحمد الفخرانى - تياترو صاحب السعاده
إنجى - سمراء النيل
البراء أشرف - وأنا مالى
إبراهيم عادل - أنا وأنا
أمينة زكى - أحلامى المبعثرة
محمود عزت - كوبرى إمبابه
skylight - ياسمين
عندما أسمع كلمة مدونة
مدونات مصرية
جمع وتعليق
محمد كمال حسن ومصطفى الحسينى
الأربعاء 21 مايو
دار العين ودار مزيد
انتظرونا
مبروك يا نجم
ReplyDeleteهنقراه امتى؟
وابقى اسأل عايزاك ياللا
احم مش فاهمه
ReplyDeleteهوا ده كتاب ليك ولمصطفى الحسيني
ولا تجميعه تدوينية مختارة لناس مختلفة
معلش بقى بسال كتير بس بنستفسروا بس
الغلاف عامة ضحكني وعجبني مديني احساس بكل حاجة ممكن اتخيلها لا وجامد المسدس الورق الكلمة سلاح يعني هههه
المهم ابطل رغي
بس قبل ما امشي البوست اللي قبل ده جامد جدا
تحية ومبروك لو ليكم ومبروك برده لو انتوا اللي هتجمعوه
تحية
سلمى سلومتشى
ReplyDeleteالله يبارك فيكى
قريب جدا
كلها أيام ان شاء الله
وعلى فكرة اتصلت امبارح لقيت رقمك غير متاح
هتصل بيكى تانى
مبسوط لأنك أول تعليق
((:
ـــــــــــــــــــــــ
نهى جمال
الكتاب عبرة عن تدوينات مختلفة من مدونات مختلفة أنا ومصطفى جمعناهم وعلقنا عليهم
وكمان مكتوب على الغلاف جمع وتعليق
((:
أما المسدس فهو أكترحاجة عجبتنى ف الغلاف
ومتشكر على تعليقك على البوسن اللى فات
((:
هيههههههههه
ReplyDeleteتعرف اني فرحااااانه اوي بالكتاب ده
يا كيمو
الف الف مبروك لك ولمصطفى ذلك الهادئ الجميل
عقبال نفاذ الطبعه الاولى يا محمد
قلم التوقيع عليا انت توقع وهوه ييييييييييير قص
نهى هانم محمود
ReplyDeleteيا فندم الطبعة الأولى بس؟ ده انتى على نياتك أوى
بقى كتاب فيه نهى محمود يوزع طبعة واحدة بس
((:
مستنى القلم إياه ده هيعمل حفل توقيع لوحده
((:
مليون مبروك يافندم
ReplyDeleteمبروك ليكم ع الكتاب
ومبروك لينا مجموعة التدوينات وتعليقاتكم
عقبال الكتاب ال100
سؤال بقى معلش
الاقى رواية حضرتك فين؟
الله يبارك فيكى يا ريحانة التدوين
ReplyDeleteويارب كتبنا توصل لمية فعلاً
أما روايتى فتلاقيها فى منفذ بيع المجلس الأعلى للثقافة
وفى مكتبة ديوان بالزمالك
شرفتينى بالزيارة الحلوة دى
((:
ألف مبروك
ReplyDeleteالفكرة جميله جدًا ومبتكره
في أنتظار صدورها بإذن الله
يا سلاااام صوره المسدس الورق دي رجعتني سنتنتنتنتنتاشر سنه لوره "حد ورايه :))" الف مبروك يا محمد انا والله سعيد جدا اني عرفتك قبل متشتهر :)) اوعي تنساني
ReplyDeleteعلي فكره انا ببقي سعيد جدا لما اقرأ اي حاجه عن ورقه وقلم بحس ان مصر والله عظيمه حتي لو الورق خلص
سلام امانه لشاديه ووديع الصافي وصبي القهوه
دعاء
ReplyDeleteالله يبارك فيكى
وانتى معزومة من دلوقت على أول حفل توقيع
((:
_________________
النجم هشام أنور
يا عم شهرة إيه
خليها على الله
تعرف ان أكتر حاجة عاجبانى ف الغلاف هو المسدس الورق
هوصل سلامك ان شاء الله
بس ما قولتيليش رأيك ف يحيى اللى بياكل صحابه؟؟
((:
محمد كمال ... مصطفى الحسيني
ReplyDeleteمبروك الكتاب ونتمنى صدوره قريبا
مش لوحدك
ReplyDeleteأحمد شقير
ReplyDeleteالله يبارك فيك
وحضرتك طبعا من أوائل المعزومين على حفل التوقيع
((:
ـــــــــــــــــ
مصطفى باشا السيد
ليه كده خير
عايز تخلص تارك من مين
شرفتنى يا دوك
الف مبروك يا محمد
ReplyDeleteسمعت عن الموضوع فعلا قبل كدة
ربنا يوفقكم
خالص تحياتي
والف مبروك مرة تانية
مبروك مقدماً يا عم محمد و يا عم مصطفى و الله يا محمد أنت أخبارك بتسعدني و أن شاء الله تبقى يا عم اللي أنت عايزه بس ما تنساش تعزمني على حفل التوقيع و يا ريت لو تعدي على مدونتي صحيح هي لسه جديدة و لسه ما نزلتش عليها شغل لكن زيارتك ليها هتجيب أكيد هتجيب البركة
ReplyDeleteمعاك احمد مهنى من مدونات مصرية للجيب
ReplyDeleteانا اسف جدا لو الكلام دا هيضايقك
بس فكرة تجميع اعمال من مدونات مسجله بأسمنا فى الشهر العقارى ومسجله الفكره نفسها بحقوق ملكيه فكريه لأننا اول ناس سجلناها وابتداناها
فأنا اخشى ان الكتاب دا لو نزل هيحصله بعض المشاكل لأن فى حاجه اسمها حقوق انتفاع من الفكره
فلو مصطفى الحسينى اللى معاك هو صاحب البوابه
خليه يكلمنى وساعتها ممكن ندعمكم ونطلعلكم تصريح بحق الانتفاع بدون مقابل
لو حد تانى غير صاحب البوابه الموضوع هيبقى فيه كلام
انا اسف جدا فعلا انا اتمنى ان كل المدونين يبقى ليهم صوتهم فى مصر واتمنى اساعدك بس دا اسمه تعدى على حقوق ملكيه فكريه لفكره مسجله ومشهرة من اكتر من فتره طويله
يا ريت تراسلونا قبل صدور العدد الاول ليكم
sneen.blogspot
ahmed_mahana_me@yahoo.com
0102298603
الغلاف مجررررررررررررررم
ReplyDeleteمين اللي عمله؟؟؟
محمد سلامة
ReplyDeleteياباشا انت اللى زيارتك بتسعدنى
وهشوف مدونتك حالا
وانت معزوم على أول حفل توقيع طبعا
((:
_______________
أحمد مهنى
كل الاحترام ليك لأنك اهتميت بالتوضيح
ان شاء الله هنسق مع بعض
وبالنسبة للشهر العقارى دى خطوة سليمة
واحنا هنستفيد بالخطوة دى ف شغلنا الجاى عشان نضمن حقوقنا زيكم
أنا سعيد جدا بالتشابه البسيط بين الفكرتين
احنا يا عم على قدنا هننزل كتاب واحد وانتو سلسلة بحالها
ألف مبروك عليها وأنا أول واحد هنى ناشركم يحيى هاشم بيها ولو كنت أعرف رقمكم كنت اتصلت بنفسى
هناخد كل الإجراءات القانونية لحفظ حقوقكم
ــــــــــــــــــــــ
كاميليا
عمرو عبد العزيز
((:
أحلى كيموو فى الدنيا...
ReplyDeleteألف مبروك على الكتاب الفكرة عاجبانى مووت وان شاء الله هيلاقى نجاح كبير .. وفعلا هموت واقرأ تعليقاتكم .. بالتوفيق يارب
الغلاف حلو قوى والمسدس مجرم
فى انتظار الكتاب
صديقي العزيز محمد كمال أتمنى أن تقرأ أخر بوست ليا و لما تشوفه هتعرف سبب أمنيتي و لأني عارف أنك أديب فأنا واثق من فهمك
ReplyDeleteأنا ليا حق فى الكتاب دا يا كيمو
ReplyDeleteالافكار لها أجنحه
بنطيرها بمزاجنا
أنا اللى أحلى كيمو
ReplyDeleteولا انتى اللى أحلى أملن فى الدنيا
يارب الكتاب يعجبك
أهو كله عشان خاطر الأولاد
لازم نسبلهم حاجة للزمن
وحكاية المسدس دى حكاية
يارتنى كنت قلت لعمرو يخلى الغلاف مسدس بس
((:
ـــــــــــــــــــــــ
محمد سلامة
ياباشا قريت البوست
وهرد عليه عندك ان شاء الله
ـــــــــــــــــ
فاوست
ياما طيرنا أفكار يا عم طه
ادعيلنا الظروف تسمح وننفذها
قول يا رب
هو ده الكتاب يا محمد إللي كنت كلمتني عليه؟
ReplyDeleteعامة ألف مبرووووووووك وفي إنتظار الكتب الجاية بإذن الله
:)
كيمو حبيبي
ReplyDeleteعامل أيه يا عم
كده يا عم مصطفى يتجوز و ما تقولوليش
صحيح الندالة من صفات الرجالة
عموما مبروك الإصدار الجديد
و على فكرة أنا بعت ديواني للمجلس
لو مصطفى الخفاش ما نشرهوش
خلاص بقى .. هاجي على نفسي و أنشر عندكو
^_^
شيماء زاهر
ReplyDeleteأينعم هو بعينه بغلافه بتدويناته وشكله الحلو
الله يبارك فيكى
وعقبال كتابك الجاى
((:
______________
محمد عبد الحى
((:
إزيك
الناس كلها بتحاسبنى ان مصطفى الحسينى اتجوز وهما ميعرفونيش
إيه جدعان وانا مالى
((:
ربنا يوفقك والمجلس ينشر لك كتابك
كتابتك حلوة أوى يا محمد
وربنا يوفقنا جميعًا
الف مبروك
ReplyDeleteبس مش الفكرة دى مسجلة مسبقا للبوهى ومهنا ؟؟؟
أحمد الصباغ
ReplyDeleteالله يبارك فيك
اتكلمت مع مهنى فعلاً وحددنا الفرق بين توارد الأفكار والسرقات الفكرية
متقلقش
ومش عايز أقولك قد إيه كان مهنى ذوق ف المكالمة وازاى عرض انه يساعدنا فى تسويق الكتاب
وبالمناسبة هما الاتنين معزومين قبل أى حد على أول حفل توقيع للكتاب بتاعنا
المهم
ان فكرتهم مختلفة كتير عن فكرتنا
لأنهم سلسلة
وهتبقى سلسلة مصنفة
أما احنا كتاب ومعتقدش انه هيتكرر
وفيه كوليكشن أتمنى إنه يعجب الناس
ده غير ان حسن النية متوفر عند جميع الأطراف
المهم
كتابنا ينزل ويعجب الناس
وسلسلة مدونات مصرية للجيب تنزل وتعجب الناس
ويارب يوفقنا جميعًا
((:
الأخ الفاضل محمد
ReplyDeleteيسعدني مرورك وتشريفك لي بمدونتي
والمدونة كلها تحت أمرك
بالنسبة لموضوع هيكل الذي طلبته فهو تحت أمرك يا أخي
وفقك الله
مع خالص الود والتحية
الفكرة جميلة جدا ويارب تكمل سريعا و أشوفها في أجازتي الجاية لما أنزل مصر.. سعيده جدا بيها
ReplyDeleteربنا يوفقكم و أشكر جدا على إنك عرفتني بمدونتك
و الميل رايحة أبعتهولك حالا
:)
خالص إحترامي
أفندينا
ReplyDeleteسعيد بمرورك وتشريفك
وان شاء الله الكتاب يعجبك
ومتشكر أوى لذزقك
((:
ـــــــــــــــــ
هنوده
أخيرًا التقينا
((:
الكتاب خلال أسبوع ان شاء الله
انتى جايه إمتى؟؟
أنا جاية على رمضان إنشاء الله بس أول ماينزل حاخلي أختي في مصر تجيبه و تبعتهولي
ReplyDeleteربنا يفقك إنت و مصطفى
الف مبروك طبعا
ReplyDeleteولو انى مش مدركة الموضوع اوى
بس انا عجبنى البلوج جدا جدا جدا جدا جدا جدا
بقالى اكتر من ساعة فيه
و كدة هسقط فى الامتحانات
هنوده
ReplyDeleteترجعى بالسلامة إن شاء الله
وربنا يخليكى ومتشكرين بجد لذوقك واحترامك
ـــــــــــــــــ
break
الله يبارك فيكى
إيه الزيارة الحلوة دى
مبسوط إن أول زيارة ليكى تكون تهنئة على كتاب ليا
ومبسوط أكتر إن مدونتى عجبتك
بجد فرحت أوى بتعليقك
واوعى تسقطى فى الامتحان
أحسن يحيى يزعل
((:
وفكرة الكتاب هكتب عنها بعد كام يوم
انتظرونا
((:
والله إنتا بني آدم جميييل يا محمد يا كمال، ممممممممم ، أنا مش عارف غجايب عني الموضوع ده من زمان ليه، ومش عارف ماجدخلتش من بدري ليه ، جبس عادي بقى ، قبل ألف مبرووووك لأني قايلها لك (لـو تفتكـر) من أيام مؤتمر الرواية، ،،، والأيام تجري وإصداركم يتأخر شوية، وأعرف أنا بموضوع مدونات للجيب، وأنا عارف كتابكم قبليه بفترة ، وعارف إن جمفيش أي تشابه بين الاثنين، بس في كل الأحوال يسعدني جدًا جدًا ، زي مجا بيسعدني دايمًا أن نكون ...
ReplyDeleteاللظيظ بقىج إن حفل توقيع مدوناتللجيب بعديكم على طول يوم الخميس
بالتوفيق يا محمد باشا دااايمًا
وعلى الله أعرف جرأيك ف أهم كتاب نزل ف العشرين سنة الأخيرة قريب .........
عشان أقرب لك الصورة هوا غلافه أصفر :)
تحـيااااتـــي
الســؤال الأهم بقى ، بعد الهيصة دي كلها ، هيبقى فين والساعة كام يا محمد باشا ؟؟؟ ياحبـذا لو كان ف الساقية بصراحة !!
ReplyDeleteمبرووووووووووووووووووك يا باشا
ReplyDeleteاسم الله عليا اسمي منور
ربنا يوفقكوا انتوا التنين
:)
مبرووووووووووووك يا محمد
ReplyDeleteسؤال سخيف من عندي..يعني إيه تجميع التدوينات فكرة مسجلة؟
يعني لو انا قررت بكرة ألم تدويناتي في كتاب على حسابي
او تدويناتي و تدوينات اتنين صحابي أبقى أجرمت
غريب قوي الموضوع ده
و ضد فكرة الحرية في المدونات نفسها
يعني مادام إنت إستأذنتني تنشر كلامي و أنا وافقت إيه اللي يدخل طرف تالت يعترض؟؟؟؟
إبراهيم باشا عادل
ReplyDeleteإيه يا بنى اللوغاريتمات اللى انت كاتبها دى
بس على قد فهمى
ربنا يخليك وفاكر طبعا انك من الناس اللى بتدينى دفعة هائلة بتعليقاتهم على اللى بكتبه
حفل التوقيع الأول غالبًا هيكون فى مقر دار العين بحضور كل الدونيين المشاركين ان شاء الله
((:
تحياتى
وقريت نص الكتاب الأصفر
اللى هوه غير الكتاب الأخضر طبعًا
ــــــــــــــــــــــــــ
أزميرالدا
الله يبارك فيكى يا فنانة
تدوينتك الأخيرة هايله
ولا لولا الإعلان كنت علقت
منورانه دايمًا
ويارب يكون ده مجرد التعاون الأول بينا
((:
ــــــــــــــــــ
غادة
تصدقى وتؤمنى بالله؟؟
كنت لسه حالاً عندك ف المدونة
وأحييكى على آخر تدوينة بتاعة عائشة
تدوينة نبيلة
وقريت كمان تدوينة شقير
رجعت لاقيتك هنا
كنت هابعتك حالا أسلم عليكى
مبسوووووووووط لأنك بتعلقى عندى أخيرًا
مدونتى حصلها الشرف
ــ
ــ
ــ
وكلامك صح طبعًا ف موضوع التسجيل القانونى
بس الشاب مهنى معذور لأنه كان فاكر مصطفى الحسينى اللى معايا واحد تانى
الواحد ده كان بالصدفة شغال معاه ويعرف الفكره فخاف ليكون ف الأمر سرقة فكرية
ولما اتصلت بيه وعرف ان الموضوع مختلف عرض التعاون
المهم إن كلامك صح وخوفه طبيعى لأنه (على حسب كلامه) بقاله كتير بيفكر ف الموضوع ده
انا عملت صديق لنا مشترك
وقلتله انى بقعد أدعى عليك لأنك خدت منى كتاب والكتاب نجح زى ما انا كنت متخيله
بعدين بهدى وأقول مش نصيبى
الكتاب أصفر ومن تصميم وليد طاهر
انتى معايا طبعا
((:
ربنا يسهله
ويسهل لصاحبة الكتاب الأصفر
ومن نجاح يابرايد إلى نجاح أكبر
زورينى كتيير
دة انا هفجر نفسي في مدونتك يا محمد
ReplyDeleteايه انجي سمراء النيل دي
مش ليها بيت سمراء دي
ولا انا بقعد علي باب جامع
يعني مدونتي دي مش ليها اسم
طب والله اسمها اي حاجة بقي
واسمي عليها سمراء النيل
ابقي اتشاهد بقي لما اشوفك في حفل التوقيع
عشان هفجر نفسي فيكم كلكم
مبروك يا محمد
وعقبال كتابك لوحدك
وكتابي انا لوحدي
أي حاجة بقى ؟....
ReplyDeleteسيب لي أنا الطلعة دي يااا محمد بيه ، فيه مجدونة بالله عليكي يبقى اسمها أي حاجة بقى ؟؟؟، يعني كتاب محترم هيقول إنه منزل تدوينة من مدونة أي ...حاجة ... بقى ...ودجي تيجي برضووووو
حمد لله ع السلاااامـــة ياااا ست سمرا ، أو إنجي في أقوال أخرى .........
وعقبال ما نفرقع كلنا بلالين يوم التوقيع
بالمناسبة محمد كماله له رواية مهمة جدًا ، ونازلة من سنين اسمها (تماثيل الملح) ...........
تحياتي وفي انتظـار يوم حفل توقيعك
سمراء النيل
ReplyDeleteبقى كده أول زيارة تفجريلى مدونتى اللى بتشرف بيها قدام أصحابى وصحباتى هنا ومحلك سر
((:
آسف جدا
بس انتى اللينك بتاعك غير مدونتك غير اسم الشهرة
آسف بجد
بس الصراحه
..
..
سمراء النيل أحلى
الله يبارك فيكى
وأنا فعلا ليا كتاب قريب ان شاء الله
(:
ــــــــــــــــــ
إبراهيم باشا
حلو أوى يا إبراهيم
لأ وبتمسكوا ف بعض قدامى
يا بيه
لما أموت اعملوا اللى انتو عايزينه
..
..
..
تصدق
عندك حق شويه
وايه حكاية الإعلان ده عن روايتى
الناس تقول إيه
بس شكرًا على أى حال
((:
زيارتك يا جدع انت بتسعدنى دايمًا
السلام عليكم
ReplyDeleteألف مبارك يامحمد انت ومصطفى بجد وسعيد جدا بالكتاب والله .. (وخللى بالك مبارك صح ..اوعى تقول مبروك ..حتى لو التانية ألطف)!
سعادتى كمان انى هاتشرف انى ابقى موجود مع كل الناس الحلوة الجميلة دى وهيجمعنا كتاب واحد ان شاء الله .. وسعيد لفرحة الناس اللى أول مرة ينزل عمل أدبى ليها فى كتاب عشان مقدر فرحةاول مولود أدبى للإنسان المبدع.
وسعيد بلمة الناس اللى بيحبوكوا انت ومصطفى حواليكم فى يوم فرحكم الأدبى ده (بعد فرح مصطفى طبعا).
إن شاء الله هيبقى حفل متميز جميل.. أحلى ما فيه اللى منظمينه واللى مشاركين فيه..
بالتوفيق دايما وربنا معاكم
أشرف توفيق
ألف ألف ألف مبروك.
ReplyDeleteألف ألف ألف مبروك.
ReplyDeleteمحمد
ReplyDeleteألف مبروك
كنت أتمنى أحضر الحفل بس والله العظيم ابني عنده امتحان وهو في شهادة وهو الي واخدني عنكم اليومين دول
انا هعمل حفلة عيد ميلاده قريب وغالبا هتكون في الحميدية هعزمك اهنأك على الكتاب
تحياتي ومرة تانية مبروك
أخف دم
ReplyDeleteاللى هوه أشرف
أخيرًا شفتك فى المدونة
الله يبارك فيك يا أشرف
سعيد جدًا بروحك
الكتاب ده يا جماعه شكل قرفته كده زى الفل
((:
ــــــــــــــــ
ميشيل حنا
الله يبارك فيك
حقيقى متشكر أوى على الزيارة دى
___________________
أسما عواد
عمومًا وصلنى إحساسك وده كفايه عليا
وربنا يخليلنا كلنا ابنك
وكل سنة وهوه طيب
((:
شكرًا جزيلاً يا محمد للعزومة ..وألف مبروك ثانية
ReplyDeleteولكن لسوء حظي بكل اسف
انا مسافرة الآن بإذن الله ولن اعود سوى يوم الاربع مساءً او الخميس إن شاء الله بكل كل اسف ، كنت اتمنى الحضور حقًا لو حظي جيد كنت لحقت التوقيع ولكن ملحوقة إن شاء الله مازال لي عندك توقيع
وعندما تعلن عن الميعاد بالضبط ربما لو عدت الاربعاء استطيع الحضور كما اتمنى..
ومبروك مرة تانية
الف مبروك تاني يا ريس و عقبال الكتاب رقم 101
ReplyDeleteانا سمعت اني هتكلم يومها
ReplyDeleteوسمعت بالصدفة اني نازل في كتاب اصلاً
وسمعت كمان ان محمد كمال الجميل هو اللي عامل الكتاب ده
والله ما انا مصدق اني نازل مع الناس الجميلة دي كلها
تحياتي للكل واوعدكم بكلمة لا تقل عن اربع سعات ونص غير ارعبين دقيقة حداد علي ارواح اخوانا الموزمبيقيين
محمد
الديليكون
دعاء
ReplyDeleteيا رب تلحقى ترجعى
هيبقى من أسعد الحاجات الللا هتحصلى ف اليوم ده ان شاء الله
ـــــــــــــــ
محمد سلامة
الله يبارك فيك تانى يا ريس
آخرة المباركات دى
جى ولا هنقضيها شات تدوينى
((:
ــــــــــــــ
الديليكون
يابنى فوق م الغيبوبة
أمال مين اللى كان ماشى معاك انت وأشرف وبيتفق معاك
على العموم شكلى مكنتش واخد بالى انك مش واخد بالك
بس الصراحة
تدوينتك مهمة
وياريت الناس تستقبلها أحسن مما استقبلتها انا
وانا ليا الشرف انك معانا يا فندم
مبروك يا عم محمد
ReplyDeleteبس فين مقر دار العين دي بالظبط علشان لو حبيت احضر .. لوسمحت قولي العنوان بالتفصيل
اخوك : مصطفي
مصطفى ريان
ReplyDeleteالعنوان موجود فى التدوينة
انت مقرايتهاش ولا ايه
((:
وكمان طريقة الوصول
نسيت تقول انا كمان فرحانة أوى
ReplyDeleteألف مبروك للكل يا افندم
ReplyDeleteليك ولمصطفى والمدونين والمدونات
فكرة حلوة أوي
بالذات في كوكتيل اختيار المدونين نفسهم
يجعلها بداية خير ع الكل :)
مودة،،
محمد باشا كمال، لأني بحاول أفرح بالحاجة براحتي، اندهشت (بحق) من هذه التجميعة الفظيعة من المدونين والأدباء الشباب، وطبعًا سعادتي غااامـــرة إني أكون بينهم كالـ ... كده يعني .......
ReplyDeleteومش عارف مدى متابعة سيادتك لمدونتي ، بس تقريبًا كان يهمني ما كتبته عن التدوين هنــأ :
http://anaweana.blogspot.com/2008/05/blog-post_08.html
.
.
ألف مبروك لنـــا مرة ثالثـة ....
و منتظــر تعليقاتكم بكل شغف على كتاباتنــا
تحيااتي
بخصوص التوقيع يا أستاذ محمد، عشان الناس بس ما تشدش الكتب من بعضها، ونشد الكتب من الجمهور، ونشد الجمهور من بعضه ، أنا وقعت له الأول، وقع لي إنتا الأول، يا ترجى إنتو بس ( بصفتكم المعلقين والمحكمين الدوليين) اللي هتوقعوا ع الكتب ، ولا متاح نوقع للجمهور الذي يتعطش ويتشتحف على قراءة كتاباتنا الفذة، ويا ترى في هذا الصدد ممكن إحنا كمدونين وأصحاب كتاب واحد نوقع لبعض برضو ، من باب نفعني ف نفس ذات الكتاب ( وهو الأمر الجديد جدًا) وأنا أنفعك ، اللي هوا ياللا نشتري كتابنا !! ونوقع لعضنا علينا ، وكده يعني ؟؟؟
ReplyDeleteفرفوشه
ReplyDeleteأنا محافظ على سرك لآخر لحظه
قريب هتشوفى إعلان تحفه للى بالى بالك
كمان انتى عارفه
الكتاب مكانش عمره هيكمل من غيرك
ربنا يخليكى ليا
وميحرمنيش من مصروفك يارب
((:
________________
رانيا منصور
الله يبارك ف سعادتك يا فندم
بس مباركات كده من غير مانشوفك متنفعش
أمال احنا بنعمل حفل إصدار ليه
مش عشان نشوف ونتعرف على بعض
_________________
إبراهيم عادل 1
الله يبارك فيك للمره الثالثة
وبقولك بلاش كلام مجاملات
بس الحقيقة كان نفسى أحكى حاجات كتيييير
بس قلت أدخرها للحفل
أمال الناس هتيجى تسمع ايه
انا والحسينى ان شاء الله هنقولكم على كواليس الكتاب
زورونا تجدوا ما يسركم
_____________________
إبراهيم عادل 2
مش فاهم الكومنت
((:
مبروك كتير ولو انها متأخرة
ReplyDeleteيلعن النت ع اللي بيقطعوه بقى :)
انا فرحانة جدا جدا بالتجربة دي يا محمد
بعتبرها فاتحة خير ع المدونين :))
سلم كتير على مصطفى واشكره
والى اللقاء يوم الاربع ان شاء الله
مقولتليش فيه يوم الاربع حاجة ناكلها ولا نجيب اكلنا معانا واحنا جايين؟
ملكه
ReplyDeleteهوه انتى كلتى ف توقيع مين قبل كده
على العموم انتى عارفه انى بحب التجديد
هاتيلى معاكى واعملى حساب الجرمأ اللى منتظرينه وقال هييجى
هوصل للحسينى سلامك
رغم ان مدونته مش بعيده
((:
ربنا يخليكى ليا يا رب
ودايمًا كده تباركيلى
اولا السلام عليكم ورحمة الله وبركاته
ReplyDeleteانا متشكر جدا يا صديقى على اللفتة الجميلة دى منك ومن باقى المدونين اصحاب الفكرة الجميلة دى
انا مش قادر اعبرلك عن مدى سعادتى لما قريت اايميل بتاعك دلوقتى
بس للاسف انا مش فى مصر حالياً بس ان شاء الله انا هحتفل معاكم فى نفس اليوم ان شاء الله
وربنا يجمعنا على الخير دايما
متشكر جدا من تانى
وسلاى لباقى المدونين
شكرا
ايمن فاروق
راسبوتين
ReplyDeleteوعليكم السلام ورحمة الله وبركاته
أنا اللى متشكر على تهذيبك واهتمامك بزيارتى رغم مشغولياتك
سلامك للمدونين أكيد وصل
وتدوينتك اللى معانا أكيد تستحق النشر والمتابعة
تحياتى وربنا يرجعك بالسلامة
((: