Sunday, April 20, 2008

عندما أسمع كلمة مدونة

عندما أسمع كلمة مدونة
محمد كمال حسن ومصطفى الحسينى


عندما أسمع كلمة مدونة




مدونات مصرية

حفل الإصدار يا بشر


الأربـعـاء 21 مــايــو

هيكون فى مقر دار العين

الساعة 6 مساء

يعنى قبل نهائى أوروبا بكتييير

وبالمره ننزل نتفرج سوا عالماتش ف التكعيبة

أنا عن نفسى هشجع المانيونايتد

ناس كتير أعزائى سألونى عن مقر دار العين
وده مش سر
وأكيد حق مقفول للمواطن
تركبوا من عبد المنعم رياض
أى حاجه بتقول
مؤسسه مؤسسه مؤسساااااه
وقولوا للسواق أو للتباع: نزلنا أبراج اللؤلؤة
بعد برجين ساويرس وبعد كوبرى إمبابه
الدور الثانى
أما لو جاى ف تاكسى
فأكيد الوصف مش هيختلف
اللى هيختلف هيا نفسيتى اللى هتنفسن عليك لأنك جاى ف تاكسى وأنا جاى ف عربية
المؤسسه
المهم
أنا والحسينى
مستنيينكم الأربعاء الجاى الساعه 6 مساء
ف دار العين للنشر
سمراء النيل ومتغيره شويه والديليكون
جايين ان شاء الله وهيتكلموا شويه عن كتابتهم التدوينية الجامده
وباقى المدونيين موجودين طبعًا وكمان هيبقوا معانا فى الحفلات الجايه
والدعــــــوة عــــــامـــة
لكل القراء وكل المدونيين
دار العين مفتوحه للجميع
ــــــــــــــــــــــ
والله العظيم يا جماعه
بجد بجد
أنا فرحان جدا
وياريت تشاركونى والحسينى فرحتنا
الكتاب مع مجموعة من الأدباء والمدونين المتميزين

أحمد فؤاد نجم


خالد الصاوى


غادة عبد العال - عايزه أتجوز


أشرف توفيق - أخف دم


ميمو


أزميرالدا - أهو كلام والسلام


محمد أحمد - الديليكون


طارق إمام


نائل الطوخى


نهى محمود - كراكيب نهى محمود


محمد صلاح العزب


أيمن فاروق - راسبوتين


سلمى صلاح - متغيره شويه


أفندينا


أحمد شقير - حكاوى آخر الليل


ملكة حسين - مملكة واحدة من الشعب


هنوده


شيماء زاهر - دردشه


أحمد الفخرانى - تياترو صاحب السعاده


إنجى - سمراء النيل


البراء أشرف - وأنا مالى


إبراهيم عادل - أنا وأنا


أمينة زكى - أحلامى المبعثرة


محمود عزت - كوبرى إمبابه


skylight - ياسمين


عندما أسمع كلمة مدونة


مدونات مصرية


جمع وتعليق


محمد كمال حسن ومصطفى الحسينى


الأربعاء 21 مايو


دار العين ودار مزيد


انتظرونا


61 comments:

jesuismoi87 said...

مبروك يا نجم

هنقراه امتى؟

وابقى اسأل عايزاك ياللا

نهى جمـال said...

احم مش فاهمه
هوا ده كتاب ليك ولمصطفى الحسيني
ولا تجميعه تدوينية مختارة لناس مختلفة

معلش بقى بسال كتير بس بنستفسروا بس

الغلاف عامة ضحكني وعجبني مديني احساس بكل حاجة ممكن اتخيلها لا وجامد المسدس الورق الكلمة سلاح يعني هههه

المهم ابطل رغي
بس قبل ما امشي البوست اللي قبل ده جامد جدا
تحية ومبروك لو ليكم ومبروك برده لو انتوا اللي هتجمعوه

تحية

mohamed kamal hassan said...

سلمى سلومتشى
الله يبارك فيكى
قريب جدا
كلها أيام ان شاء الله
وعلى فكرة اتصلت امبارح لقيت رقمك غير متاح
هتصل بيكى تانى
مبسوط لأنك أول تعليق
((:
ـــــــــــــــــــــــ
نهى جمال
الكتاب عبرة عن تدوينات مختلفة من مدونات مختلفة أنا ومصطفى جمعناهم وعلقنا عليهم
وكمان مكتوب على الغلاف جمع وتعليق
((:
أما المسدس فهو أكترحاجة عجبتنى ف الغلاف

ومتشكر على تعليقك على البوسن اللى فات
((:

كراكيب نـهـى مـحمود said...

هيههههههههه
تعرف اني فرحااااانه اوي بالكتاب ده
يا كيمو
الف الف مبروك لك ولمصطفى ذلك الهادئ الجميل
عقبال نفاذ الطبعه الاولى يا محمد
قلم التوقيع عليا انت توقع وهوه ييييييييييير قص

mohamed kamal hassan said...

نهى هانم محمود
يا فندم الطبعة الأولى بس؟ ده انتى على نياتك أوى
بقى كتاب فيه نهى محمود يوزع طبعة واحدة بس
((:
مستنى القلم إياه ده هيعمل حفل توقيع لوحده
((:

ريحانة said...

مليون مبروك يافندم
مبروك ليكم ع الكتاب
ومبروك لينا مجموعة التدوينات وتعليقاتكم

عقبال الكتاب ال100


سؤال بقى معلش
الاقى رواية حضرتك فين؟

mohamed kamal hassan said...

الله يبارك فيكى يا ريحانة التدوين
ويارب كتبنا توصل لمية فعلاً

أما روايتى فتلاقيها فى منفذ بيع المجلس الأعلى للثقافة
وفى مكتبة ديوان بالزمالك

شرفتينى بالزيارة الحلوة دى
((:

دعاء said...

ألف مبروك

الفكرة جميله جدًا ومبتكره

في أنتظار صدورها بإذن الله

Hisham Anwer said...

يا سلاااام صوره المسدس الورق دي رجعتني سنتنتنتنتنتاشر سنه لوره "حد ورايه :))" الف مبروك يا محمد انا والله سعيد جدا اني عرفتك قبل متشتهر :)) اوعي تنساني

علي فكره انا ببقي سعيد جدا لما اقرأ اي حاجه عن ورقه وقلم بحس ان مصر والله عظيمه حتي لو الورق خلص

سلام امانه لشاديه ووديع الصافي وصبي القهوه

mohamed kamal hassan said...

دعاء
الله يبارك فيكى
وانتى معزومة من دلوقت على أول حفل توقيع
((:
_________________
النجم هشام أنور
يا عم شهرة إيه
خليها على الله
تعرف ان أكتر حاجة عاجبانى ف الغلاف هو المسدس الورق
هوصل سلامك ان شاء الله
بس ما قولتيليش رأيك ف يحيى اللى بياكل صحابه؟؟
((:

Ahmed Shokeir said...

محمد كمال ... مصطفى الحسيني

مبروك الكتاب ونتمنى صدوره قريبا

مصطفى السيد سمير said...

مش لوحدك

mohamed kamal hassan said...

أحمد شقير
الله يبارك فيك
وحضرتك طبعا من أوائل المعزومين على حفل التوقيع
((:
ـــــــــــــــــ
مصطفى باشا السيد
ليه كده خير
عايز تخلص تارك من مين
شرفتنى يا دوك

محمد إبراهيم محروس said...

الف مبروك يا محمد
سمعت عن الموضوع فعلا قبل كدة
ربنا يوفقكم
خالص تحياتي
والف مبروك مرة تانية

محمد سلامة said...

مبروك مقدماً يا عم محمد و يا عم مصطفى و الله يا محمد أنت أخبارك بتسعدني و أن شاء الله تبقى يا عم اللي أنت عايزه بس ما تنساش تعزمني على حفل التوقيع و يا ريت لو تعدي على مدونتي صحيح هي لسه جديدة و لسه ما نزلتش عليها شغل لكن زيارتك ليها هتجيب أكيد هتجيب البركة

أنا وصاحبى said...

معاك احمد مهنى من مدونات مصرية للجيب
انا اسف جدا لو الكلام دا هيضايقك
بس فكرة تجميع اعمال من مدونات مسجله بأسمنا فى الشهر العقارى ومسجله الفكره نفسها بحقوق ملكيه فكريه لأننا اول ناس سجلناها وابتداناها
فأنا اخشى ان الكتاب دا لو نزل هيحصله بعض المشاكل لأن فى حاجه اسمها حقوق انتفاع من الفكره
فلو مصطفى الحسينى اللى معاك هو صاحب البوابه
خليه يكلمنى وساعتها ممكن ندعمكم ونطلعلكم تصريح بحق الانتفاع بدون مقابل
لو حد تانى غير صاحب البوابه الموضوع هيبقى فيه كلام
انا اسف جدا فعلا انا اتمنى ان كل المدونين يبقى ليهم صوتهم فى مصر واتمنى اساعدك بس دا اسمه تعدى على حقوق ملكيه فكريه لفكره مسجله ومشهرة من اكتر من فتره طويله
يا ريت تراسلونا قبل صدور العدد الاول ليكم

sneen.blogspot
ahmed_mahana_me@yahoo.com
0102298603

Camellia Hussein said...

الغلاف مجررررررررررررررم
مين اللي عمله؟؟؟

mohamed kamal hassan said...

محمد سلامة
ياباشا انت اللى زيارتك بتسعدنى
وهشوف مدونتك حالا
وانت معزوم على أول حفل توقيع طبعا
((:
_______________
أحمد مهنى
كل الاحترام ليك لأنك اهتميت بالتوضيح
ان شاء الله هنسق مع بعض
وبالنسبة للشهر العقارى دى خطوة سليمة
واحنا هنستفيد بالخطوة دى ف شغلنا الجاى عشان نضمن حقوقنا زيكم

أنا سعيد جدا بالتشابه البسيط بين الفكرتين

احنا يا عم على قدنا هننزل كتاب واحد وانتو سلسلة بحالها

ألف مبروك عليها وأنا أول واحد هنى ناشركم يحيى هاشم بيها ولو كنت أعرف رقمكم كنت اتصلت بنفسى

هناخد كل الإجراءات القانونية لحفظ حقوقكم
ــــــــــــــــــــــ
كاميليا
عمرو عبد العزيز
((:

أمل said...

أحلى كيموو فى الدنيا...

ألف مبروك على الكتاب الفكرة عاجبانى مووت وان شاء الله هيلاقى نجاح كبير .. وفعلا هموت واقرأ تعليقاتكم .. بالتوفيق يارب

الغلاف حلو قوى والمسدس مجرم

فى انتظار الكتاب

محمد سلامة said...

صديقي العزيز محمد كمال أتمنى أن تقرأ أخر بوست ليا و لما تشوفه هتعرف سبب أمنيتي و لأني عارف أنك أديب فأنا واثق من فهمك

fawest said...

أنا ليا حق فى الكتاب دا يا كيمو

الافكار لها أجنحه
بنطيرها بمزاجنا

mohamed kamal hassan said...

أنا اللى أحلى كيمو
ولا انتى اللى أحلى أملن فى الدنيا

يارب الكتاب يعجبك
أهو كله عشان خاطر الأولاد
لازم نسبلهم حاجة للزمن
وحكاية المسدس دى حكاية
يارتنى كنت قلت لعمرو يخلى الغلاف مسدس بس
((:
ـــــــــــــــــــــــ
محمد سلامة
ياباشا قريت البوست
وهرد عليه عندك ان شاء الله
ـــــــــــــــــ
فاوست
ياما طيرنا أفكار يا عم طه
ادعيلنا الظروف تسمح وننفذها
قول يا رب

Shaimaa Zaher said...

هو ده الكتاب يا محمد إللي كنت كلمتني عليه؟

عامة ألف مبرووووووووك وفي إنتظار الكتب الجاية بإذن الله

:)

محمد عبدالحي السيد يوسف said...

كيمو حبيبي

عامل أيه يا عم

كده يا عم مصطفى يتجوز و ما تقولوليش

صحيح الندالة من صفات الرجالة

عموما مبروك الإصدار الجديد

و على فكرة أنا بعت ديواني للمجلس

لو مصطفى الخفاش ما نشرهوش

خلاص بقى .. هاجي على نفسي و أنشر عندكو
^_^

mohamed kamal hassan said...

شيماء زاهر
أينعم هو بعينه بغلافه بتدويناته وشكله الحلو
الله يبارك فيكى
وعقبال كتابك الجاى
((:
______________
محمد عبد الحى
((:
إزيك
الناس كلها بتحاسبنى ان مصطفى الحسينى اتجوز وهما ميعرفونيش
إيه جدعان وانا مالى
((:
ربنا يوفقك والمجلس ينشر لك كتابك
كتابتك حلوة أوى يا محمد
وربنا يوفقنا جميعًا

Ahmed Al-Sabbagh said...

الف مبروك

بس مش الفكرة دى مسجلة مسبقا للبوهى ومهنا ؟؟؟

mohamed kamal hassan said...

أحمد الصباغ
الله يبارك فيك
اتكلمت مع مهنى فعلاً وحددنا الفرق بين توارد الأفكار والسرقات الفكرية
متقلقش

ومش عايز أقولك قد إيه كان مهنى ذوق ف المكالمة وازاى عرض انه يساعدنا فى تسويق الكتاب

وبالمناسبة هما الاتنين معزومين قبل أى حد على أول حفل توقيع للكتاب بتاعنا


المهم
ان فكرتهم مختلفة كتير عن فكرتنا
لأنهم سلسلة
وهتبقى سلسلة مصنفة

أما احنا كتاب ومعتقدش انه هيتكرر
وفيه كوليكشن أتمنى إنه يعجب الناس

ده غير ان حسن النية متوفر عند جميع الأطراف
المهم
كتابنا ينزل ويعجب الناس
وسلسلة مدونات مصرية للجيب تنزل وتعجب الناس

ويارب يوفقنا جميعًا
((:

أفندينا said...

الأخ الفاضل محمد
يسعدني مرورك وتشريفك لي بمدونتي
والمدونة كلها تحت أمرك
بالنسبة لموضوع هيكل الذي طلبته فهو تحت أمرك يا أخي
وفقك الله
مع خالص الود والتحية

Hannoda said...

الفكرة جميلة جدا ويارب تكمل سريعا و أشوفها في أجازتي الجاية لما أنزل مصر.. سعيده جدا بيها

ربنا يوفقكم و أشكر جدا على إنك عرفتني بمدونتك

و الميل رايحة أبعتهولك حالا
:)

خالص إحترامي

mohamed kamal hassan said...

أفندينا
سعيد بمرورك وتشريفك
وان شاء الله الكتاب يعجبك
ومتشكر أوى لذزقك
((:
ـــــــــــــــــ
هنوده
أخيرًا التقينا
((:
الكتاب خلال أسبوع ان شاء الله
انتى جايه إمتى؟؟

Hannoda said...

أنا جاية على رمضان إنشاء الله بس أول ماينزل حاخلي أختي في مصر تجيبه و تبعتهولي

ربنا يفقك إنت و مصطفى

break said...

الف مبروك طبعا

ولو انى مش مدركة الموضوع اوى

بس انا عجبنى البلوج جدا جدا جدا جدا جدا جدا
بقالى اكتر من ساعة فيه
و كدة هسقط فى الامتحانات

mohamed kamal hassan said...

هنوده
ترجعى بالسلامة إن شاء الله
وربنا يخليكى ومتشكرين بجد لذوقك واحترامك
ـــــــــــــــــ
break
الله يبارك فيكى
إيه الزيارة الحلوة دى
مبسوط إن أول زيارة ليكى تكون تهنئة على كتاب ليا
ومبسوط أكتر إن مدونتى عجبتك
بجد فرحت أوى بتعليقك
واوعى تسقطى فى الامتحان
أحسن يحيى يزعل
((:
وفكرة الكتاب هكتب عنها بعد كام يوم

انتظرونا
((:

إبـراهيم ... معـايــا said...

والله إنتا بني آدم جميييل يا محمد يا كمال، ممممممممم ، أنا مش عارف غجايب عني الموضوع ده من زمان ليه، ومش عارف ماجدخلتش من بدري ليه ، جبس عادي بقى ، قبل ألف مبرووووك لأني قايلها لك (لـو تفتكـر) من أيام مؤتمر الرواية، ،،، والأيام تجري وإصداركم يتأخر شوية، وأعرف أنا بموضوع مدونات للجيب، وأنا عارف كتابكم قبليه بفترة ، وعارف إن جمفيش أي تشابه بين الاثنين، بس في كل الأحوال يسعدني جدًا جدًا ، زي مجا بيسعدني دايمًا أن نكون ...
اللظيظ بقىج إن حفل توقيع مدوناتللجيب بعديكم على طول يوم الخميس
بالتوفيق يا محمد باشا دااايمًا
وعلى الله أعرف جرأيك ف أهم كتاب نزل ف العشرين سنة الأخيرة قريب .........
عشان أقرب لك الصورة هوا غلافه أصفر :)
تحـيااااتـــي

إبـراهيم ... معـايــا said...

الســؤال الأهم بقى ، بعد الهيصة دي كلها ، هيبقى فين والساعة كام يا محمد باشا ؟؟؟ ياحبـذا لو كان ف الساقية بصراحة !!

Esmeralda said...

مبرووووووووووووووووووك يا باشا
اسم الله عليا اسمي منور
ربنا يوفقكوا انتوا التنين
:)

wanna b a bride said...

مبرووووووووووووك يا محمد

سؤال سخيف من عندي..يعني إيه تجميع التدوينات فكرة مسجلة؟

يعني لو انا قررت بكرة ألم تدويناتي في كتاب على حسابي

او تدويناتي و تدوينات اتنين صحابي أبقى أجرمت




غريب قوي الموضوع ده

و ضد فكرة الحرية في المدونات نفسها

يعني مادام إنت إستأذنتني تنشر كلامي و أنا وافقت إيه اللي يدخل طرف تالت يعترض؟؟؟؟

mohamed kamal hassan said...

إبراهيم باشا عادل
إيه يا بنى اللوغاريتمات اللى انت كاتبها دى
بس على قد فهمى
ربنا يخليك وفاكر طبعا انك من الناس اللى بتدينى دفعة هائلة بتعليقاتهم على اللى بكتبه
حفل التوقيع الأول غالبًا هيكون فى مقر دار العين بحضور كل الدونيين المشاركين ان شاء الله
((:
تحياتى
وقريت نص الكتاب الأصفر
اللى هوه غير الكتاب الأخضر طبعًا
ــــــــــــــــــــــــــ
أزميرالدا
الله يبارك فيكى يا فنانة
تدوينتك الأخيرة هايله
ولا لولا الإعلان كنت علقت
منورانه دايمًا
ويارب يكون ده مجرد التعاون الأول بينا
((:
ــــــــــــــــــ
غادة
تصدقى وتؤمنى بالله؟؟
كنت لسه حالاً عندك ف المدونة
وأحييكى على آخر تدوينة بتاعة عائشة
تدوينة نبيلة
وقريت كمان تدوينة شقير
رجعت لاقيتك هنا
كنت هابعتك حالا أسلم عليكى
مبسوووووووووط لأنك بتعلقى عندى أخيرًا
مدونتى حصلها الشرف
ــ
ــ
ــ
وكلامك صح طبعًا ف موضوع التسجيل القانونى

بس الشاب مهنى معذور لأنه كان فاكر مصطفى الحسينى اللى معايا واحد تانى

الواحد ده كان بالصدفة شغال معاه ويعرف الفكره فخاف ليكون ف الأمر سرقة فكرية

ولما اتصلت بيه وعرف ان الموضوع مختلف عرض التعاون

المهم إن كلامك صح وخوفه طبيعى لأنه (على حسب كلامه) بقاله كتير بيفكر ف الموضوع ده

انا عملت صديق لنا مشترك

وقلتله انى بقعد أدعى عليك لأنك خدت منى كتاب والكتاب نجح زى ما انا كنت متخيله

بعدين بهدى وأقول مش نصيبى

الكتاب أصفر ومن تصميم وليد طاهر

انتى معايا طبعا
((:
ربنا يسهله
ويسهل لصاحبة الكتاب الأصفر
ومن نجاح يابرايد إلى نجاح أكبر

زورينى كتيير

smraa alnil said...

دة انا هفجر نفسي في مدونتك يا محمد

ايه انجي سمراء النيل دي
مش ليها بيت سمراء دي
ولا انا بقعد علي باب جامع

يعني مدونتي دي مش ليها اسم
طب والله اسمها اي حاجة بقي

واسمي عليها سمراء النيل

ابقي اتشاهد بقي لما اشوفك في حفل التوقيع

عشان هفجر نفسي فيكم كلكم

مبروك يا محمد
وعقبال كتابك لوحدك
وكتابي انا لوحدي

إبـراهيم ... معـايــا said...

أي حاجة بقى ؟....
سيب لي أنا الطلعة دي يااا محمد بيه ، فيه مجدونة بالله عليكي يبقى اسمها أي حاجة بقى ؟؟؟، يعني كتاب محترم هيقول إنه منزل تدوينة من مدونة أي ...حاجة ... بقى ...ودجي تيجي برضووووو

حمد لله ع السلاااامـــة ياااا ست سمرا ، أو إنجي في أقوال أخرى .........
وعقبال ما نفرقع كلنا بلالين يوم التوقيع
بالمناسبة محمد كماله له رواية مهمة جدًا ، ونازلة من سنين اسمها (تماثيل الملح) ...........
تحياتي وفي انتظـار يوم حفل توقيعك

mohamed kamal hassan said...

سمراء النيل
بقى كده أول زيارة تفجريلى مدونتى اللى بتشرف بيها قدام أصحابى وصحباتى هنا ومحلك سر
((:
آسف جدا
بس انتى اللينك بتاعك غير مدونتك غير اسم الشهرة
آسف بجد
بس الصراحه
..
..
سمراء النيل أحلى
الله يبارك فيكى
وأنا فعلا ليا كتاب قريب ان شاء الله
(:
ــــــــــــــــــ
إبراهيم باشا
حلو أوى يا إبراهيم
لأ وبتمسكوا ف بعض قدامى
يا بيه
لما أموت اعملوا اللى انتو عايزينه
..
..
..
تصدق
عندك حق شويه
وايه حكاية الإعلان ده عن روايتى
الناس تقول إيه
بس شكرًا على أى حال
((:
زيارتك يا جدع انت بتسعدنى دايمًا

أخف دم said...

السلام عليكم
ألف مبارك يامحمد انت ومصطفى بجد وسعيد جدا بالكتاب والله .. (وخللى بالك مبارك صح ..اوعى تقول مبروك ..حتى لو التانية ألطف)!
سعادتى كمان انى هاتشرف انى ابقى موجود مع كل الناس الحلوة الجميلة دى وهيجمعنا كتاب واحد ان شاء الله .. وسعيد لفرحة الناس اللى أول مرة ينزل عمل أدبى ليها فى كتاب عشان مقدر فرحةاول مولود أدبى للإنسان المبدع.
وسعيد بلمة الناس اللى بيحبوكوا انت ومصطفى حواليكم فى يوم فرحكم الأدبى ده (بعد فرح مصطفى طبعا).
إن شاء الله هيبقى حفل متميز جميل.. أحلى ما فيه اللى منظمينه واللى مشاركين فيه..
بالتوفيق دايما وربنا معاكم
أشرف توفيق

ميشيل حنا said...

ألف ألف ألف مبروك.

ميشيل حنا said...

ألف ألف ألف مبروك.

أسما عواد said...

محمد
ألف مبروك
كنت أتمنى أحضر الحفل بس والله العظيم ابني عنده امتحان وهو في شهادة وهو الي واخدني عنكم اليومين دول
انا هعمل حفلة عيد ميلاده قريب وغالبا هتكون في الحميدية هعزمك اهنأك على الكتاب
تحياتي ومرة تانية مبروك

mohamed kamal hassan said...

أخف دم
اللى هوه أشرف
أخيرًا شفتك فى المدونة
الله يبارك فيك يا أشرف
سعيد جدًا بروحك
الكتاب ده يا جماعه شكل قرفته كده زى الفل
((:
ــــــــــــــــ
ميشيل حنا
الله يبارك فيك
حقيقى متشكر أوى على الزيارة دى
___________________
أسما عواد
عمومًا وصلنى إحساسك وده كفايه عليا
وربنا يخليلنا كلنا ابنك
وكل سنة وهوه طيب
((:

دعاء said...

شكرًا جزيلاً يا محمد للعزومة ..وألف مبروك ثانية


ولكن لسوء حظي بكل اسف

انا مسافرة الآن بإذن الله ولن اعود سوى يوم الاربع مساءً او الخميس إن شاء الله بكل كل اسف ، كنت اتمنى الحضور حقًا لو حظي جيد كنت لحقت التوقيع ولكن ملحوقة إن شاء الله مازال لي عندك توقيع

وعندما تعلن عن الميعاد بالضبط ربما لو عدت الاربعاء استطيع الحضور كما اتمنى..

ومبروك مرة تانية

محمد سلامة said...

الف مبروك تاني يا ريس و عقبال الكتاب رقم 101

الديليكون said...

انا سمعت اني هتكلم يومها
وسمعت بالصدفة اني نازل في كتاب اصلاً

وسمعت كمان ان محمد كمال الجميل هو اللي عامل الكتاب ده

والله ما انا مصدق اني نازل مع الناس الجميلة دي كلها

تحياتي للكل واوعدكم بكلمة لا تقل عن اربع سعات ونص غير ارعبين دقيقة حداد علي ارواح اخوانا الموزمبيقيين

محمد
الديليكون

mohamed kamal hassan said...

دعاء
يا رب تلحقى ترجعى
هيبقى من أسعد الحاجات الللا هتحصلى ف اليوم ده ان شاء الله
ـــــــــــــــ
محمد سلامة
الله يبارك فيك تانى يا ريس
آخرة المباركات دى
جى ولا هنقضيها شات تدوينى
((:
ــــــــــــــ
الديليكون
يابنى فوق م الغيبوبة
أمال مين اللى كان ماشى معاك انت وأشرف وبيتفق معاك
على العموم شكلى مكنتش واخد بالى انك مش واخد بالك
بس الصراحة
تدوينتك مهمة
وياريت الناس تستقبلها أحسن مما استقبلتها انا
وانا ليا الشرف انك معانا يا فندم

mostafarayan said...

مبروك يا عم محمد
بس فين مقر دار العين دي بالظبط علشان لو حبيت احضر .. لوسمحت قولي العنوان بالتفصيل
اخوك : مصطفي

mohamed kamal hassan said...

مصطفى ريان
العنوان موجود فى التدوينة
انت مقرايتهاش ولا ايه
((:
وكمان طريقة الوصول

Farfosha said...

نسيت تقول انا كمان فرحانة أوى

رانيا منصور said...

ألف مبروك للكل يا افندم
ليك ولمصطفى والمدونين والمدونات

فكرة حلوة أوي
بالذات في كوكتيل اختيار المدونين نفسهم
يجعلها بداية خير ع الكل :)


مودة،،

إبـراهيم ... معـايــا said...

محمد باشا كمال، لأني بحاول أفرح بالحاجة براحتي، اندهشت (بحق) من هذه التجميعة الفظيعة من المدونين والأدباء الشباب، وطبعًا سعادتي غااامـــرة إني أكون بينهم كالـ ... كده يعني .......
ومش عارف مدى متابعة سيادتك لمدونتي ، بس تقريبًا كان يهمني ما كتبته عن التدوين هنــأ :
http://anaweana.blogspot.com/2008/05/blog-post_08.html
.
.
ألف مبروك لنـــا مرة ثالثـة ....
و منتظــر تعليقاتكم بكل شغف على كتاباتنــا
تحيااتي

إبـراهيم ... معـايــا said...

بخصوص التوقيع يا أستاذ محمد، عشان الناس بس ما تشدش الكتب من بعضها، ونشد الكتب من الجمهور، ونشد الجمهور من بعضه ، أنا وقعت له الأول، وقع لي إنتا الأول، يا ترجى إنتو بس ( بصفتكم المعلقين والمحكمين الدوليين) اللي هتوقعوا ع الكتب ، ولا متاح نوقع للجمهور الذي يتعطش ويتشتحف على قراءة كتاباتنا الفذة، ويا ترى في هذا الصدد ممكن إحنا كمدونين وأصحاب كتاب واحد نوقع لبعض برضو ، من باب نفعني ف نفس ذات الكتاب ( وهو الأمر الجديد جدًا) وأنا أنفعك ، اللي هوا ياللا نشتري كتابنا !! ونوقع لعضنا علينا ، وكده يعني ؟؟؟

mohamed kamal hassan said...

فرفوشه
أنا محافظ على سرك لآخر لحظه
قريب هتشوفى إعلان تحفه للى بالى بالك
كمان انتى عارفه
الكتاب مكانش عمره هيكمل من غيرك
ربنا يخليكى ليا
وميحرمنيش من مصروفك يارب
((:
________________
رانيا منصور
الله يبارك ف سعادتك يا فندم
بس مباركات كده من غير مانشوفك متنفعش
أمال احنا بنعمل حفل إصدار ليه
مش عشان نشوف ونتعرف على بعض
_________________
إبراهيم عادل 1
الله يبارك فيك للمره الثالثة
وبقولك بلاش كلام مجاملات
بس الحقيقة كان نفسى أحكى حاجات كتيييير
بس قلت أدخرها للحفل
أمال الناس هتيجى تسمع ايه
انا والحسينى ان شاء الله هنقولكم على كواليس الكتاب
زورونا تجدوا ما يسركم
_____________________
إبراهيم عادل 2
مش فاهم الكومنت
((:

ملكة said...

مبروك كتير ولو انها متأخرة
يلعن النت ع اللي بيقطعوه بقى :)
انا فرحانة جدا جدا بالتجربة دي يا محمد
بعتبرها فاتحة خير ع المدونين :))
سلم كتير على مصطفى واشكره
والى اللقاء يوم الاربع ان شاء الله
مقولتليش فيه يوم الاربع حاجة ناكلها ولا نجيب اكلنا معانا واحنا جايين؟

mohamed kamal hassan said...

ملكه
هوه انتى كلتى ف توقيع مين قبل كده
على العموم انتى عارفه انى بحب التجديد
هاتيلى معاكى واعملى حساب الجرمأ اللى منتظرينه وقال هييجى
هوصل للحسينى سلامك
رغم ان مدونته مش بعيده
((:
ربنا يخليكى ليا يا رب
ودايمًا كده تباركيلى

raspoutine said...

اولا السلام عليكم ورحمة الله وبركاته
انا متشكر جدا يا صديقى على اللفتة الجميلة دى منك ومن باقى المدونين اصحاب الفكرة الجميلة دى
انا مش قادر اعبرلك عن مدى سعادتى لما قريت اايميل بتاعك دلوقتى
بس للاسف انا مش فى مصر حالياً بس ان شاء الله انا هحتفل معاكم فى نفس اليوم ان شاء الله
وربنا يجمعنا على الخير دايما


متشكر جدا من تانى


وسلاى لباقى المدونين
شكرا


ايمن فاروق

mohamed kamal hassan said...

راسبوتين
وعليكم السلام ورحمة الله وبركاته
أنا اللى متشكر على تهذيبك واهتمامك بزيارتى رغم مشغولياتك
سلامك للمدونين أكيد وصل
وتدوينتك اللى معانا أكيد تستحق النشر والمتابعة
تحياتى وربنا يرجعك بالسلامة
((: