انا ومصطفى الحسينى رايحين الاستاد
المهم العربية اللى احنا ركبناها ماشية طريق الاوتوستراد مش صلاح سالم
ركبنا هوه مش كله استاد
بعد اما نزلنا
اكتشفنا ان الباب اللى احنا بندخل منه هوه باب الزملكاوية
الحسينى لابس احمر وعامالين بنقول يا رب استر
واحنا داخلين مشى جمبنا واحد زملكاوى
دخل فجأة فى الحوار وقال
ان شاء الله هنكسب عشان خلاص احنا اتخنقنا
هوه احنا مش هنكسب الأهلى ولا إيه
كفاية كده
وقعد يزعق
جمهور الأهلى بيزيد
الحسينى رجع خطوتين وكان هيخش ف هستريا ضحك
ف كل حتة زملكاوية
يا رب عديها على خير
فكرنا انا والحسينى نحضر مع جمهور الزمالك
واتفقنا نخش ونشجعهم
الزمالك كان لازم يكسب الماتش ده
عشان نتفرج على كورة
الأهلى بقاله 3 سنين بيلعب لوحده
واحنا داخلين م الباب لاقينا رجليينا واخدانا لمدرجات الأهلى
وقولنا
قول الحق
خليك جرئ
النادى الأهلى
أحسن فريق
وبعد الماتش
ملقيتش ولا أهلاوى زعلان بجد
كنا بنمثل اننا زعلانيين
والزملكاوية كانوا جامدين جدا
يارب يببعوا البوتيكات ويفكوا أزمتهم
11 comments:
ههههههههههههه
ماشي يا باشا
حلوة أدخل مدونتي و إنت تعرف دي
تسويق تسويق يعني
أي خدمة و عقبال ماتش الكاس ده طبعا لو وصلتوا النهائي
وش بنضارة شمس و قال يعني مش هامه
اهلاوي اهلاوي يعني
يا عم اهو كله برتقال ....العبرة فى النهاية مين اللى هايضحك فى الآخر.. أهلاوية
معلش يا محمد من نفسهم يكسبو حبه
من 2004 مكسبوش ورقه
حقهم
والاهلي طول عمره كرييم
مادو
سوق قبل أن تنتج
(:
وأنا معنديش أعز م الأهلى
بس مش عارف جالك منين ان الزمالك هيكمل لغاية ما يوصل النهائى
وش رافع حواجبه وباين عليه الحيرة
كراكيب
أهلاوى على طول
يا أهلى يا حبى يا حتة من قلبى
سهى زكى
المهم طمنينى على نهى
لون تيشيرتها إيه
(:
شيماء
طب مش اللى يكيب.. يكسب من سكات
(:
لأ دي تبقى مشكلة بجد !!!
الموضوع كده هياخد جوانب متعددة ، والواحد مش عارف هيبقى فاضي لإيه ، ولا لإيه ؟؟؟
شكلك مش فاهمين ، يعني مدى الانعكاس المحوري لوجهة النظـر الأدبية في إن الشاعر والروائي الأهلاويين الوحيدين يدخلوا من باب الزملكاوية
منووووور يا أهلاوي
إبراهيم
الغريب أعمى لو كان بصير
وكمان كان معنا دليل
ومعرفناش إنه زملكاوى غير واحنا نازلين م العربية
قدام باب الزملكاوية(:
اهلاوي زملكاوي أهم حاجة اللعبة الحلوة
زملكاوي مش متعصب
الديليكون
مبسوط انك هنا لأول مرة
ومبسوط أخيرًا لأنى لاقيت زملكاوى مش متعصب
يارب تعجبك مدونتى
ايام باك يا جدعان
مبروك على الكتاب يا كيمو
ها ها ها
مانا عارف
Post a Comment