Thursday, August 30, 2007

علاقة محمود الخطيب بالهيئة العامة لقصور الثقافة

علاقة محمود الخطيب بالهيئة العامة لقصور الثقافة

عن فيلم رعب

مجموعتى القصصية التى بدأت فى كتابتها بعد أن انتهيت من روايتى الأولى تماثيل الملح والتى تجمع حتى الآن حوالى ثمانى قصص.. مجموعتى التى غيرت وبدلت عنوانها أكثر من مرة بدءًا من شجر الجراد والتوت إلى البنت السمرا الشربات إلى محاولة أخيرة للبحث عن رانيا إلى فيلم رعب.. هذه المجموعة التى حذفت منها أكثر من ثلاثين نصًا.. هذه المجموعة التى أعول عليها كثيرًا فى الانتقال بى إلى مساحات أرحب فى السرد والإبداع.. فيلم رعب التى اقتربت من النشر لتكون ثانى كتاب لى بعد رواية تماثيل الملح فازت بالمركز الثالث مكرر فى مسابقة الهيئة العامة لقصور الثقافة.. فكرت أن أنشر صورة لى مع قصة من المجموعة الفائزة غير أنى فضلت أن أعرض هذا المقطع من الفيديو بدلاً من صورتى... مقطع فيديو كاف جدًا بالنسبة لى لأعبر عما بداخلى ولأتذكر أن لى عملاً يقدره الناس أحيانًا لدرجة أن أحصل على مركز ثالث بين أدباء مصر فى القصة القصيرة.. شكرًا للقائمين على هذه المسابقة وتهانئى القلبية لى بهذه المناسبة وتهانى لأصحاب المراكز من الأول حتى الثالث الذين لم أعرفهم حتى هذه اللحظة

18 comments:

محمد مصطفى said...

هههههههههههههههههههههههههههههههههه
عملتها و نزلت المقطع ده برضو
أفولك إيه أهلاوي
ماعلينا
عامة و برغم إنك اهلاوي
إلا إني مبسوطلك جدا ً يا محمد
ربنا يوفقك يا رب
منتظر إهداء و نسخة مجانا ً لما يتطبع إن شاء الله
سلام

محمود عزت said...

ألف مبروك يا محمد :))
ألف مبروك يا ريس

حسام مراد said...

الف مبروك على حصولك على المركز التالت

كراكيب نـهـى مـحمود said...

مبروك يا محمد
وعقبال البوكر
ومتنساش ساعتها المورو

Hisham Anwer said...

الف شكر يا محمد
الف شكر انك اسعتنا حقيقي
الف شكر كمان علي الرعب اللي انت عملتهلهم بوجودك في المسابقات

معندكش تسجيل متش كوتوكو؟

عين ضيقة said...

مبروووووووووووووووووووك


يارب لقدام دايما

وياااااااااااارب عقبالى

رضوى داود said...

الف مبروك يا بو كمال
مش ممكن كده كل شوية تقول حاجه تبسطني اكتر
يعني انا هاطول في السعادة دي على كده

الف الف مبروك تاني
بجد بجد مبسوطة قوى

Mohamed Kamal Hassan said...

مادو
هو فى أحلى من الخطيب
بيبو
الأهلى
(:
خالة وبرغم إنك زملكاوى
إلا إنى بشكرك جدًا
ربنا يخليك يا باشا
وان شاء الله يصدر ديوانك قبل مجموعتى
((:
ـــــــــــــــــــــــــ
محمود عزت
الله يبارك فيك يا سعاة الباشا
مكنتش أرعف إنك بتيجى عندنا
وبالمناسبة يا جماعة
محمود عزت حصل على المركز الثالث بنفس المسابقة اللى انا فزت فيها بس ف شعر العامية طبعًا عن ديوانه أحلى فيلم شفته ف حياتى
مبروك يا باشا
((:

Mohamed Kamal Hassan said...

حسام مراد
الله يبارك فيك يا باشا
وسعيد لأن أول زيارة تكون تهنئة
شكرًا
ـــــــــــــــــ
نهى هانم محمود
الله يبارك فيكى يا ست الكل
أخيرًا شفناكى
بقولك
ليكى مورو عندى
مورو بتاعة الهيئة
دى اللى مضمونة
أما البوكر
فالترشيح لأمثالنا هو الجائزة
ولا تفتكرى إنى هكسب وسط كل العمالقة من الوطن العربى
المورو تحت أمرك من دلوقت
أو لما نتقابل ف ندوتك
شكرًا
((:
ــــــــــــــــــــــ
هشام أنور
يا باشا الشكر ليك ولكل واحد تعب نفسه وقدمى لى تهنئة من قلبه
ولا رعب ولا حاجة
أمال لو خدت أول كان ايه اللى حصل

عندى الجون بتاع الخطيب ف الماتش ده هعرضه ان شاء الله عشان خاطرك بس بعد كام يوم
((:
ــــــــــــــــــــــ
عين ضيقة
الله يبارك ف حضرتك يا فندم
متشكر لحضورك
وعقبالك دايمًا
وأكون أول المهنئين بإذن الله
ـــــــــــــــــــــــــ
أميرة
أنا مبسوط إنى خليتك مبسوطة
وياريت تتطولى
هو احنا نكره
وان شاء الله فى الجايزة الجاية
السعادة تخليكى تتجوزى
((:
((:

كراكيب نـهـى مـحمود said...

لا لا كده كتير يا محمد
تعرف ان هانم ده اجمل لقب بحب اسمعه
بالنسبة لمورو زرني على المدونة
شوف الشيكولاته بتعمل ايه مودتي وتمنياتي لك بكل الخير

admelmasry said...

الف مبروووووووك يا كاتب
الف الف مبروك عقبال نوبل انشاء الله
.
.
.
قدها يا كاتب قدها
.
.
تحياتي
والسلام

أمل ربيع said...

مبرووك ياكيموو انا فرحت لك جدااااااااا
تستاهل وعقبال البوكر

Mohamed Kamal Hassan said...

نهى هانم
ما إحنا خلاص اتفقنا
وأنا مبسوط إن المورو بتعمل كده
أجمل حاجة إنى أشوفك مبسوطة
وشكرًا على الورد يا فندم
((:
________________________
آدم المصرى
الله يبارك فيكى يا ريس
متكر لزياراتك المتكررة
وعقبال ديوانك إن شاء الله
ــــــــــــــــــــــــــ
أملن
مش ممكن
مش معقول
الله يبارك فيكى يا أحلى أملن فى الدنيا
عقبال ديوانك
وعقبال كتب كتابك
وأوجه شكرى للسادة أعضاء لجنة التحكيم إنهم كسبونى عشان أملن تفرح
من فرح لفرح أكبر يا رب
((:

fawest said...

عارفك خبيث
طب نزلنا حاجة على المدونة
نشوف عملت اية بدل بيبو
عموما الانا بتاعت الكاتب لازم يطلقها
ترتع فى الفضا يمكن اللى فات احس من اللى جاى
بعد الشر عليك يا كيمو
يا لرب علطول فى تقدم

Hisham Anwer said...

محمد كماااال

انت فين يا أخي وحشتنا
علي فكره لو ربنا أراد والامن كان مستتب سندريلا هتتحول أخر سبتمبر
وكابتن ماجد هيشوت الكره اللي كان معلق رجليه قدمها من شهر 6 اللي فات

بعد ماتاكل كويس عدي علي الصفحه دي

http://hisham-anwer.blogspot.com/2007/08/blog-post.html

طاب مساءكم

Mohamed Kamal Hassan said...

فاوست
والله ما خبث
ماكنش قصدى أنا بس كنت مبسوط وده اللى اتكتب
ان شاء الله قريب هنزل قصة
وبيبو أحسن منى طبعًا
أحسن بكتيييييير
بيبو فرح كل المصريين
ـــــــــــــــــــــ
هشام باشا أنور
أعتقد إنى أول واحد زار مدونتك
بس مسبتش كومنت
دلوقت حصل يا فندم
عرفت منبن إنى كنت جعان
هههههههههههه
ربنا يخليك يا باشا
وشكرًا على اهتمامك
((:

محمد عبدالحي بتاع بيطري said...

على فكرة يا كمال
أنتة و عبده لو ما قسمتوش معايا
مش هيحصل كويس
أنا سمعت أنكوا أتحينتوا و أنا فيها لاخفيها

(أنا ما بانقش يا حج)^_^

Mohamed Kamal Hassan said...

محمد عبد الحى
والله لسه ما قبضنا
أول ما أقبض أوعدك
أوعدك
أوعدك
إنى ما قسمش معاك
(((: